من فضلك لو سمحت ( اعرف انا مين ) انا لا اخوان ولا وطني ولا من المسيسيين

السلام عليكم 

أحب اعرف نفسي الاول 

أنا اسمي سارة بنت مصرية جدعه اي نعم تربيتي خليجيه الا حد ما بس مصرية مصرية 
أحب اتطلع واقرأ وأعرف كل الأخبار متيمه ببرامج ال talk show من أول ظهورها ..متابعة جيده لكل الأخبار ملمه بالمعلومات 
بحب اتناقش و اتخانق 
بحب الهبل والعبط والضحك والهزار والسفر 
وشخصيتي المثقفه تختلف تماما عن شخصيتي في وسط الناس واصحابي مبخنقش علي حد لما بتابع سياسة اما يتحرق دمي احرقه لوحدي ودلوقتي مع تويتر 


من الجيل الي قال لرئيسه يا رئيسنا السابق 
من جيل 25 يناير برده 
عندي 21 سنه متخرجه من كلية تجارة وكنت ناوية اخلع بره مصر وأروح لبقيه اهلي بس كنسلت كل حاجة من قبل المظاهرات بشويه لما حسيت انها جد


وكانت من امنياتي اشتغل في البورصة وكان وشي حلو أوي اياميها علي البورصه ادعو بقي ربنا يقومها بالسلامه 


وبس خلاص